اب تک موصول ہونے والی اطلاعات کے مطابق اس دھماکے میں ایک کی موت اور متعدد کے زخمی ہونے کی اطلاعات ہیں۔ سرکاری طور پر ایک شخص کے ہلاک ہونے کی تصدیق ہوئی ہے۔
اطلاعات کے مطابق دھماکہ عدالت کے احاطے میں واقع باتھ روم میں ہوا۔ اس واقعہ کے بعد چاروں طرف افراتفری کا ماحول ہے۔ وہیں پولیس موقع پر پہنچ کر معاملے کی جانچ کر رہی ہے۔
یہ دھماکہ ڈسٹرکٹ کورٹ کی دوسری منزل پر ہوا۔
اس معاملے پر پنجاب کے وزیر اعلیٰ چرنجیت سنگھ چنی نے کہا کہ 'میں لُدھیانہ جا رہا ہوں۔ انہوں نے کہا کہ جیسے جیسے اسمبلی انتخابات قریب آ رہے ہیں، ملک دشمن عناصر ایسی حرکتیں کر رہے ہیں۔ حکومت چوکس ہے۔ قصورواروں کو بخشا نہیں جائے گا۔
لدھیانہ کے کمشنر آف پولیس گُرپریت سنگھ بھُلر نے کہا کہ 'دھماکے کی آواز لدھیانہ کورٹ کمپلیکس کی دوسری منزل پر ریکارڈ روم کے قریب سنی گئی۔ تحقیقات کے لیے چندی گڑھ سے بم ڈسپوزل اسکواڈ اور فورینسک ٹیم کو بلایا گیا ہے۔
اس کے علاوہ این آئی اے ٹیم اس معاملے کی جانچ کے لیے لُدھیانہ جانے کے لیے نکل چکی ہے۔