Pak Drone in Gurdaspur گورداسپور سیکٹر میں بی ایس ایف نے پاکستان کی دراندازی کو ناکام بنایا

ریاست پنجاب کے گورداسپور سیکٹر میں بی ایس ایف نے ایک بار پھر پاکستان کی دراندازی کو ناکام بنا دیا اور پاکستانی ڈرون پر فائرنگ کرکے اس کو واپس جانے پر مجبور کردیا۔ علاقے میں سرچ آپریشن جاری ہے۔BSP intercepts pak drone

گرداسپور (پنجاب): بارڈر سیکیورٹی فورس (بی ایس ایف) نے جمعہ کو پنجاب کے گورداسپور سیکٹر میں پاکستان سے دراندازی کرنے والے ایک ڈرون پر فائرنگ کرکے اس کو واپس جانے پر مجبور کردیا۔ بی ایس ایف پنجاب فرنٹیئر نے ٹویٹ کیا کہ پاکستان کی طرف سے داخل ہونے والے ڈرون کو گورداس پور سیکٹر میں مستعد بی ایس ایف اہلکاروں نے روک دیا اور اس پر فائرنگ کی۔ فائرنگ کے بعد ڈرون واپس پاکستان چلا گیا۔ بی ایس ایف نے بتایا کہ علاقے میں تلاشی مہم جاری ہے۔

اس سے پہلے بدھ کو بھی بی ایس ایف نے پاکستان کی طرف سے دراندازی کرنے والے ڈرون کا پیچھا کرتے ہوئے اس پر فائرنگ کی تھی۔ بی ایس ایف نے ایک بیان میں کہا کہ امرتسر سیکٹر میں بی ایس ایف جوانوں نے پاکستان کی طرف سے داخل ہونے والے ایک ڈرون کو روک دیا۔ بی ایس ایف کی فائرنگ کے بعد ڈرون پاکستان کی طرف لوٹ گیا۔ پیرا ملٹری فورس نے کہا کہ 28 مارچ کو بی ایس ایف نے امرتسر میں ایک پاکستانی ڈرون کو مار گرایا۔

بی ایس ایف نے کہا کہ یہ کارروائی اس وقت کی گئی جب پاکستانی ڈرون ممنوعہ اشیاء کی کھیپ لے کر بھارتی حدود میں داخل ہوا تھا۔ ڈرون کو امرتسر میں اس وقت مار گرایا گیا جب بی ایس ایف کے اہلکاروں نے ایک اڑتی چیز کی آواز سنی۔ اسے اگلی صبح بارڈر سیکورٹی فورس کے ذریعہ کئے گئے تلاشی آپریشن کے دوران برآمد کیا گیا۔ بی ایس ایف نے کہا کہ ڈرون پاکستان سے بھارتی حدود میں داخل ہوا اور امرتسر سیکٹر میں بارڈر چوکی راجاتل کے علاقے میں اس کا پتہ چلا۔