کسانوں کے ذریعہ بی جے پی لیڈروں، خاص طور پر سابق وزیر تکشن سود کی رہائش گاہ کے باہر گوبر کی ٹرالی الٹنے کے بعد سے بی جے پی کے حامی و اراکین مظاہرہ کررہے ہیں۔
کسانوں کے زخموں پر نمک نہ چھڑکے بی جے پی: بادل
شرومنی اکالی دل (ایس اے ڈی) کے صدر سکھبیر سنگھ بادل نے آج بھارتیہ جنتا پارٹی (بی جے پی) کی پنجاب یونٹ کے لیڈروں سے کہا کہ وہ کسانوں کے زخموں پر نمک نہ چھڑکیں۔
بادل نے اس سلسلے میں اپنا رد عمل ظاہر کرتے ہوئے بی جے پی سے اپیل کی کہ وہ ریاست میں امن و امان اور نظم و نسق کو بگاڑنے کی کوشش نہ کریں۔
انہوں نے کہا کہ بی جے پی کی ریاستی اکائی کسانوں کے زخموں پر نمک چھڑک رہی ہے۔ انہوں نے کہا کہ ایک طرف دہلی میں بی جے پی کسانوں کو مذاکرات کے لیے بلا رہی ہے اور دوسری طرف یہاں مظاہرہ کر کے کسانوں کو اکسایا جارہا ہے۔