Baljinder Kaur Slapped by Husband عآپ کی خاتون رکن اسمبلی کو شوہر نے تھپڑ رسید کردیا، ویڈیو وائرل

پنجاب کے تلونڈی سے عام آدمی پارٹی کی ایم ایل اے بلجندر کور کو ان کے شوہر کے تھپڑ مارنے کا ویڈیو سوشل میڈیا پر سامنے آیا ہے۔ AAP MLA slapped by husband

چندی گڑھ: پنجاب کے وزیر اعلی بھگونت مان کے تلونڈی سابو دورے سے ایک دن پہلے سوشل میڈیا پر ایک ویڈیو وائرل ہوا جس میں عام آدمی پارٹی (اے اے پی) کی ایم ایل اے بلجندر کور کو ان کے شوہر نے جھگڑے کے بعد تھپڑ مار دیا۔ بلجندر کور کے شوہر سکھ راج سنگھ بھی حکمراں پارٹی کے لیڈر ہیں۔ Video Viral of AAP MLA Baljinder Kaur

تلونڈی سابو میں ان کے گھر کے باہر نصب سی سی ٹی وی کیمرے میں قید یہ ویڈیو جمعرات سے سوشل میڈیا پلیٹ فارمز پر وائرل ہو رہا ہے۔ مبینہ طور پر یہ واقعہ 10 جولائی کو پیش آیا۔ پولیس نے کہا کہ اسے نہیں معلوم کہ یہ ویڈیو کس نے لیک کی یا اصل میں اس واقعہ کو کس نے انجام دیا۔ واقعے کے حوالے سے کوئی باقاعدہ شکایت درج نہیں کی گئی ہے۔ ویڈیو میں تلونڈی سابو سے دو بار عآپ ایم ایل اے کو ایک بحث کے دوران اپنے شوہر کے پاس آتے دیکھا جا سکتا ہے۔ سنگھ غصے میں آکر اپنی سیٹ سے اٹھ جاتے ہیں کر انہیں تھپڑ مار دیتے ہیں۔ جوڑے کے پاس کھڑے کچھ لوگ مداخلت کرتے ہیں اور مسٹر سنگھ کو دورکرنے کی کوشش کرتے ہیں۔

ویڈیو پر نہ تو محترمہ کور اورنہ ہی ان کے شوہر نے کوئی تبصرہ کیا ہے۔ پنجاب اسٹیٹ کمیشن برائے خواتین کی چیئرپرسن منیشا گلاٹی نے تاہم کہا کہ انہوں نے ویڈیو دیکھی ہے اور اس کا از خود نوٹس لیں گی۔ مان کی قیادت والی اے اے پی حکومت انتخابات کے بعد سے مسلسل حملوں کی زد میں ہے۔ اتفاق سے وزیر اعلیٰ جمعہ کو بلجندر کے حلقہ کا دورہ کر رہے ہیں۔ اس جوڑے نے فروری 2019 میں شادی کی تھی۔ مسٹر سنگھ مبینہ طور پر ماجھا علاقہ کے لئے اے اے پی کے یوتھ ونگ کے کنوینر تھے۔ مسز کور نے 2009 میں پنجاب یونیورسٹی، پٹیالہ سے ایم فل کیا۔ سیاست میں آنے سے پہلے وہ فتح گڑھ صاحب میں ماتا گجری کالج میں انگریزی کی پروفیسر تھیں۔ ایم ایل اے سے رابطہ کرنے کی کوشش کی گئی لیکن موبائل فون سروس میں نہیں ملا۔

یو این آئی