پلوامہ: شبانہ چھاپوں کے دوران دو نوجوان گرفتار

جنوبی کشمیر کے ضلع پلوامہ میں حفاظتی اہلکاروں نے شبانہ چھاپوں کے دوران دو نوجوانوں کو گرفتار کر لیا ہے۔

جنوبی کشمیر میں ضلع پلوامہ کے دربگام علاقے میں جمعہ اور سنیچر کی درمیانی شب سکیورٹی فورسز نے چھاپوں کے دوران دو نوجوانوں کو گرفتار کر لیا ہے۔

گرفتار کیے گئے نوجوانوں کی شناخت ریاض احمد اور شاہد احمد کے طور پر ہوئی ہے۔

ذرائع کے مطابق ان نوجوانوں کو ملک مخالف سرگرمیوں میں ملوث ہونے کی پاداش میں گرفتار کیا گیا ہے۔

قابل ذکر ہے کہ کچھ ہفتے قبل اسی گاؤں سے تقریباً تین نوجوانوں کو ملک مخالف سرگرمیوں میں ملوث ہونے کے الزام میں گرفتار کیا گیا تھا۔