Congress Youth Workers Convention پلوامہ میں یوتھ کانگریس ورکرز کنونشن کا انعقاد

پلوامہ میں یوتھ کانگریس کی جانب سے آج یک روزہ ورکرز کنویشن 'یوتھ جوڑو بُوتھ جوڑو' کا انعقاد کیا گیا۔ یہ کنویشن پلوامہ کے لیتہ پورہ پانپور میں منعقد کیا گیا۔ Congress Youth Workers Convention

پلوامہ: جموں و کشمیر کے پلوامہ میں یوتھ کانگریس کی جانب سے آج یک روزہ ورکرس کنویشن 'یوتھ جوڑو بُوتھ جوڑو' کا انعقاد کیا گیا۔ یہ ورکرز کنویشن پلوامہ کے لیتہ پورہ پانپور میں منعقد کیا گیا جس میں یوتھ کانگریس کے قومی جنرل سکریٹری جگ دیو گاگا اور آل انڈیا جوائنٹ سکریٹری من پریت سنگھ منی کے علاوہ کانگریس ضلع صدر پلوامہ شعیب ماگرے اور پارٹی ورکرز نے شرکت کی۔ Congress Youth Workers Convention

اس موقع پر ورکرز سے خطاب کرتے ہوئے کانگریس کے قومی جنرل سکرٹری گاگا نے کہا کہ کانگریس بہترین پارٹی ہے اور صرف یہی پارٹی نوجوانوں کو بااختیار بنا سکتی ہے۔ انہوں نے کہا دوسری پارٹیوں نے صرف یہاں کے نوجوانوں کے ساتھ جھوٹے وعدے کر کے انہیں اپنے مفاد کے لیے استعمال کیا ہے۔

گاگا نے یوتھ کانگریس قیادت کی تعریف کرتے ہوئے کہا کہ جہاں بی جے پی اس ملک کے نوجوانوں کے لیے مختلف قسم کی رکاوٹیں کھڑی کرنے میں مصروف ہے وہیں کانگریس عوام کے حقوق کے لیے سڑکوں پر کھڑی ہے۔ وہیں کنویشن کے دوران جوائنٹ سکریٹری من پریت سنگھ منی اور صدر پلوامہ شعیب ماگرے نے بھی کارکنان سے خطاب کیا ہے۔