پلوامہ: قوئیل علاقے کے کیریوا میں تیندوے کا بچہ پکڑا گیا

محکمہ وائلڈ لائف کی ٹیم نے جمعہ کی سہ پہر جنوبی کشمیر کے ضلع پلوامہ کے قوئیل علاقے کے کاریوا میں ایک تیندوے کے بچے کو پکڑ لیا۔

تیندوے کے بچے کے پکڑے جانے کے تعلق سے عہدیداروں نے بتایا کہ اس بچہ کو مقامی لوگوں نے علاقے میں دیکھا تھا، جس کے بعد محکمہ کی ٹیم اس کو پکڑنے کے لئے موقع پر پہنچی۔

انہوں نے مزید بتایا کہ تیندوے کے بچہ کو پکڑ لیا گیا ہے اور ساتھ ہی اس کی ماں کی تلاش جاری ہے۔

تیندوے کا بچہ پکڑا گیا

ان کا مزید کہنا ہے کہ تیندوے کے بچہ کی ماں کو تلاش کر کے ان کو داچھیگام پارک میں چھوڑا جائے گا۔ وہیں انہوں نے علاقے کے لوگوں سے اپیل کی کہ وہ احتیاط برتیں تاکہ کسی قسم کا کوئی جانی نقصان نہ ہو۔