دس برس سے پانی کی ٹنکی نہیں بن پائی

مقامی لوگوں کا الزام ہے کہ جب ٹنکی بننے کا کام شروع ہوا تو لوگوں کو امید جگی تھی کہ اب صاف پانی پینے کو ملے گا لیکن دس برس گزر جانے کے بعد بھی امید امید ہی ہے۔

ضلع پلوامہ کے دُسو پانپور میں پانی کی ٹنکی کو بنانے کا کام دس برس پہلے شرع کیا گیا تھا لیکن یہ اب تک مکمل نہیں ہو پائی ہے، جس کی وجہ سے مزکورہ گاؤں کے لوگوں کو پینے کے پانی کی سخت قلت ہو رہی ہے۔

مقامی لوگوں کا الزام ہے کہ جب ٹنکی بننے کا کام شروع ہوا تو لوگوں کو امید جگی تھی کہ اب صاف پانی پینے کو مل گا لیکن دس برس گزر جانے کے بعد بھی امید امید ہی ہے۔

لوگوں کا کہنا ہے کہ انہیں پینے کے پانی کے حوالے سے بہت مشکلات کا سامنا درپیش ہے۔ اگر اس ٹنکی سے انہیں پانی کی سپلائی کی جاتی تو ان کا دیرینہ مسلہ حل ہو جاتا۔

انہوں نے انتظامیہ سے اپیل کی ہے کہ وہ جلد سے جلد اس ٹنکی کو مکمل کرے تاکہ گاؤ‎ں کے لوگوں کو صاف و شفاف پانی فراہم ہو سکے۔