War Against Drugs پلوامہ میں منشیات فروشوں کی پراپرٹی اٹیچ

پلوامہ پولیس نے منشیات فروش کی تین منزلہ مکان کو منسلک کیا ہے۔ اس کے علاوہ پولیس نے ایک اور منشیات فروش کی گاڑی کو بھی اٹیچ کیا ہے۔

پلوامہ:منشیات کی اسمگلنگ سے نمٹنے اور سماج سے منشیات کو ختم کرنے کے لئے پلوامہ پولیس این ڈی پی ایس ایکٹ 1985 کے تحت ایک تین منزلہ رہائشی مکان اور ایک گاڑی کو ضبط کیا ہے۔

پولیس کے ایک ترجمان نے اپنے ایک بیان میں کہا منشیات فروشوں بشیر احمد ترمبو ولد علی محمد ترمبو اور اس کی اہلیہ شہزادہ بانو کا تین منزلہ مکان جو نانیہ بٹپورہ پلوامہ میں واقعہ ہے، اسے منسلک کردیا گیا۔

پولیس بیان میں کہا گیا کہ مذکورہ مکان ایف آئی آر نمبر 79/2022 ،185/2022 اور 81/2022 تھانہ لیتر کے تحت منسلک کیا گیا۔ پولیس کے مطابق تحقیقات سے ثابت ہوا کہ مذکورہ غیر منقولہ جائیداد کو منشیات فروشوں نے غیر قانونی اسمگلنگ سے تعمیر کیا ہے۔

ترجمان نے اپنے بیان میں مزید کہا کہ پولیس نے ایک اور منشیات فروش جس کی شناخت محمد یوسف بٹ ولد عبدالرحمان بٹ ساکن گسو پلوامہ کی گاڑی (سوئفٹ ڈزائر) جس کا رجسٹریشن نمبر JK02AW-4505 کو بھی منسلک کیا۔

انہوں نے کہا کہ مذکورہ گاڑی ایف آئی آر نمبر 79/2022، 185/2022 این ڈی پی ایس کے تحت پولیس اسٹیشن پلوامہ نے منسلک کی ہے۔ تفتیش سے ثابت ہوا کہ مذکورہ منقولہ جائیداد منشیات کے اسمگلر نے غیر قانونی اسمگلنگ سے حاصل کی تھی۔