RDD Accused of Misusing Public Funds: محکمہ دیہی ترقی کی تعمیر کردہ دیوار تین ماہ میں ہی زمین بوس

مقامی لوگوں کے مطابق ’’محکمہ دیہی ترقی کے افسران صرف کاغذی گھوڑے دوڑا رہے ہیں، زمینی سطح پر کوئی بھی کام انجام نہیں دیا جا رہا۔ جو کوئی بھی کام انجام دیا جا رہا ہے وہ بھی نقص سے عاری نہیں ہوتا۔‘‘

پلوامہ: سنہ2021-22 میں محکمہ دیہی ترقی کی جانب سے ضلع میں نیوہ نیابت میں دیوار بندی اور بیت الخلاء تعمیر کرنے کے لیے ٹینڈر جاری کیے گئے تھے۔ ایک ٹھیکہ دار کو دیوار بندی کا کام سونپ دیا گیا تاہم دیوار بندی مکمل کیے جانے کے تین ماہ بعد ہی دیوار زمین بوس ہو گئی۔ Wall Constructed by RDD Collapsed within 3 Months in Pulwama مقامی باشندوں نے ٹھیکہ دار سمیت متعلقہ محکمہ کو شدید تنقید کا نشانہ بناتے ہوئے کہا کہ ’’دیوار کی تعمیر میں کس طرح کا مواد استعمال کیا گیا؟ محکمہ کے افسران اُس وقت کہاں تھے جب دیوار تعمیر ہو رہی تھی۔‘‘

ای ٹی وی بھارت کے ساتھ بات کرتے ہوئے مقامی باشندوں نے کہا کہ ’’تعمیراتی کاموں کا معائنہ اور نگرانی کے لیے متعلقہ محکمہ کی جانب سے عملہ تعینات کیا جاتا ہے۔ Wall Constructed by RDD Collapsed within 3 Months تعمیر ہونے کے تین ماہ کے اندر ہی دیوار خستہ ہوکر زمین بوس ہونے سے صاف ظاہر ہوتا ہے کہ دیوار کی تعمیر میں ناقص مواد کا استعمال کیا گیا۔‘‘ انہوں نے مزید کہا کہ ’’اس طرح کی دھاندلی ٹھیکہ دار اور محکمہ دیہی ترقی کے افسران کی ساز باز کے بغیر ممکن نہیں ہے۔‘‘

اس ضمن میں محکمہ دیہی ترقی کے بلاک نیوہ کے افسران سے رابطہ قائم کرنے کی کوشش کی گئی تاہم متعلقہ افسران دفتر میں موجود نہیں تھے۔ RDD Accused of Misusing Public Funds مقامی باشندوں نے محکمہ دیہی ترقی کو شدید تنقید کا نشانہ بناتے ہوئے کہا کہ ’’محکمہ دیہی ترقی کے افسران صرف کاغذ کے گھوڑا دوڑا رہے ہیں۔ زمینی سطح پر کوئی بھی کام انجام نہیں دیا جا رہا۔ جو کوئی بھی کام انجام دیا جا رہا ہے وہ بھی نقص سے عاری نہیں ہوتا۔‘‘

نیوہ، پلوامہ کے باشندوں نے ضلع انتظامیہ سے تین ماہ کے اندر دیوار زمین بوس ہونے کے معاملے کی تحقیقات کا مطالبہ کرتے ہوئے قصوروار افراد کے خلاف سخت کارروائی عمل میں لائے جانے کا مطالبہ کیا۔