میونسپل کمیٹی پانپور کے تعاون سے قصبہ پانپور میں واقع اقبال اسٹیڈیم کی مقامی رضاکاروں نے صفائی ستھرائی کی۔
اقبال اسٹیڈیم، جو ضلع پلوامہ کے قصبہ پانپور کا مشہور اور وسیع میدان ہے، کی جمعرات کو قصبہ کے نوجوانوں نے میونسپل کمیٹی پانپور کے ساتھ مل کر مشترکہ طور ایک صفائی مہم چلائی جس کے تحت میدان سے کوڑا کرکٹ سمیت پالیتھین کو صاف کیا گیا۔
رضاکاروں نے کی اقبال اسٹیڈیم پانپور کی صفائی میدان کو صاف و شفاف بنانے اور کھلاڑیوں کو پریشانیوں سے دور رکھنے کے لیے رضاکاروں نے میدان سے پالیتھین اٹھا کر میونسپلٹی کے تعاون سے اسے ڈمپنگ سائٹ لے جایا گیا۔
رضاکاروں نے امید ظاہر کی کہ انکی اس کوشش سے دیگر نوجوان بھی صفائی ستھرائی کے حوالے سے اپنے آس پڑوس کو صاف رکھنے کی مہم شروع کریں۔
انہوں نے کہا کہ صفائی ستھرائی کی مہم اقبال اسٹیڈیم تک ہی محدود نہیں رہے گی، انہوں نے آئندہ بھی اس مہم کو جاری رکھنے کا عزم کیا۔
