اونتی پورہ : اسلامک یونیورسٹی میں کووڈ ویکسینیشن

میڈیا سے گفتگو کرتے ہوئے ڈاکٹرزاہدہ میڈیکل کنسلٹنٹ آئی یو ایس ٹی اونتی پورہ نے بتایا کہ ساڑھے چارسو افراد کو ویکسین لگوائی جا چکی ہے اور یہ سلسلہ جاری ہے۔

عالمی وباء کورونا وائرس کی تیسری لہر کو دیکھتے ہوئے جموں و کشمیر کے ضلع پلوامہ کے اسلامک یونیورسٹی آف سائنس اور ٹیکنالوجی اونتی پورہ میں اس مہلک وباء سے بچنے کے لیے کووڈ ویکسین لگانے کا عمل جاری ہے۔

اس سلسلے میں آج درجنوں افراد کو ویکسین لگوائی گئی۔ اس مہم کے دوران یونیورسٹی کے طلباء اور فیکلٹی ممبران کو ویکسین لگائی گئی تاکہ کورونا پر قابو پایا جائے۔

میڈیا سے گفتگو کرتے ہوئے ڈاکٹر زاہدہ (میڈیکل کنسلٹنٹ آئی یو ایس ٹی اونتی پورہ) نے بتایا کہ ساڑھے چار سو افراد کو ویکسین لگوائی جا چکی ہے اور یہ سلسلہ جاری ہے۔

انہوں نے یونیورسٹی آنے والے تمام افراد سے گزارش کی کہ وہ کورونا سے بچنے کے لیے ویکسین کی خوراک ضرور لیں اور ضروری احتیاطی تدابیر پر عمل کریں تاکہ کورونا کی تیسری لہر کو شکست دی جا سکے۔