Unknown Persons Tried to Rob JK Bank ATM: پلومہ میں اے ٹی ایم سے نقد لوٹنے کی کوشش ناکام

قصبہ پلوامہ کے راجپورہ چوک میں درمیانی شب نامعلوم افراد نے جموں و کشمیر بینک کے اے ٹی ایم سے نقد لوٹنے کی کوشش کی، تاہم وہ کیش لوٹنے میں ناکام رہے۔ اس واردات میں اے ٹی ایم مشین کو نقصان ہوا ہے۔ Unknown Persons Tried to Rob JK Bank ATM

پلوامہ: تفصیلات کے مطابق درمیانی شب نامعلوم افراد نے اے ٹی ایم کی دیوار کو گرانے کی کوشش کی اور اس دیوار میں کسی چیز سے ایک چھوٹا سا سراخ بھی بنایا ہے، تاہم وہ اتنا بڑا نہیں بنا جس سے ایک انسان اے ٹی ایم میں اندر جاسکے۔ نامعلوم افراد تیز دھار والی چیز سے اے ٹی ایم مشین کو نقصان پہنچا کر فرار ہوگئے۔

اس سلسلے میں پولیس واردات کی جانچ کرنے کے لیے موقع پر پہنچی اور تحقیقات میں مصروف ہو گئی ہے۔ یہ بات قابل ذکر ہے کہ یہ اے ٹی ایم قصبہ پلوامہ کے مین چوک پر موجود ہے جہاں سے سکیورٹی فورسز کا رات بھر گزر رہتا ہے۔