Bear In Pampore پانپور میں ریچھوں کا بستیوں کا رخ، مقامی لوگ خوفزدہ

ضلع پوامہ کے لدو پانپور میں محکمہ وائلڈ لائف کے افسروں نے کافی مشقت کے بعد جنگلی ریچھوں کو پکڑ لیا۔ Bear In Pampore

پلوامہ: جنوبی کشمیر کے ضلع پلوامہ کے لدو پانپور میں اُس وقت خوف و ہراس کا ماحول پیدا ہو گیا جب وہاں رہائشی علاقے میں دو ریچھوں کو دیکھا گیا۔ مقامی لوگوں نے لدو علاقے میں دو ریچھوں کو دیکھا جس کے بعد انہوں نے محکمہ وائلڈ لائف کو اس کی اطلاع دی اور محکمہ وائلڈ لائف کی ٹیم فوراً لدو پہنچ گئی۔ جس کے بعد محکمے کے اہلکاروں نے جال اور کیج لگاکر بڑی مشقت کے بعد کسی نقصان کے بغیر دونوں ریچھوں کو ایک کنویں سے پکڑ لیا جس سے علاقے کے لوگوں نے راحت محسوس کی۔ Bear In Pampore

وائلڈ لائف کے رینج افسر خورشید احمد نے بات کرتے ہوئے کہا کہ ان کی ٹیم پچھلے کئی دنوں سے علاقے میں محاصرہ کر رہی تھی تاہم آج انہیں کامیابی ملی ہے اور انہوں نے علاقے سے دونوں ریچھوں کو پکڑ کر محفوظ جگہ پر منتقل کر دیا ہے۔ Bear In Pampore