اونتی پورہ: عسکریت پسندوں کے دو معاون گرفتار

گرفتار معاون ترال اور پامپور علاقوں میں عسکریت پسندوں کو پناہ دینے اور ایک جگہ سے دوسری جگہ منتقل کرنے میں ان کی مدد کر رہے تھے۔

جموں و کشمیر کے ضلع پلوامہ کے اونتی پورہ میں پولیس نے علاقے میں سرگرم جیش محمد نامی عسکری تنظیم کے دو معاونین کو گرفتار کرنے کا دعویٰ کیا ہے۔

تفصیلات کے مطابق دونوں افراد ترال اور پامپور علاقوں میں عسکریت پسندوں کو پناہ دینے اور ایک جگہ سے دوسری جگہ منتقل کرنے میں ان کی مدد کر رہے تھے۔

پولیس کے مطابق دونوں معاونین سے قابل اعتراض مواد برآمد ہوا ہے اور ان کی شناخت بلال احمد چوپان ساکن واگڈ ترال اور مرسلین ساکن چھتلم پامپور کے طور پر ہوئی ہے۔ پولیس نے دونوں کے خلاف ایف آئی آر درج کیا ہے۔
پولیس عسکریت پسندوں سے پوچھ گچھ کر رہی ہے۔