اونتی پورہ: جیش محمد سے وابستہ دوعسکری معاون گرفتار

اونتی پورہ پولیس کے مطابق 'جیش محمد' نامی عسکری تنظیم سے وابستہ عسکری معاونین کو گرفتار کیا گیا ہے، ان کے قبضے سے قابل اعتراض مواد بھی برآمد کرنے کا دعویٰ کیا گیا ہے۔

جموں و کشمیر کے ضلع پلوامہ کے اونتی پورہ کی پولیس نے دعویٰ کیا ہے کہ' سی آر پی ایف کی 130 بٹالین اور 42 آر آر کی مشترکہ کوشش سے اونتی پورہ میں دو عسکری معاون کو گرفتار کیا گیا ہے'۔

گرفتار شدگان کی شناخت شیزان گلزار بیگ ساکن گاڈی کھل چرسو اور وسیم الرحمان شیخ ساکن میڈورہ کے طور پر ہوئی ہے۔

ساتھ ہی پولیس نے ان کے قبضے سے ہتھیار اور گولہ بارود برآمد کرنے کا دعویٰ کیا ہے۔

پولیس کے مطابق یہ دونوں عسکریت پسندوں کو پناہ دینے اور ایک جگہ سے دوسری جگہ منتقل کرنے میں ملوث تھے۔


واضح رہے کہ گذشتہ روز چندہارا پامپور میں ایک 'کمین گاہ' کو تباہ کیا گیا تھا۔