Govt Teachers Suspended: پلوامہ میں دو گورنمنٹ ٹیچرز معطل

جنوبی کشمیر کے پلوامہ ضلع میں ایک نجی پرائیویٹ کوچنگ سینٹر میں درس و تدریس کی خدمات انجام دینے والے دو گورنمنٹ اساتذہ کو معطل کر دیا گیا۔ Two Government Teachers Suspended in Pulwama

پلوامہ (جموں و کشمیر) :چیف ایجوکیشن آفیسر (سی ای او) پلوامہ نے ایک نجی کوچنگ سنٹر میں درس و تدریس کی خدمات انجام دینے والے دو سرکاری اساتذہ کو معطل کرنے کا حکم دیا ہے۔ چیف ایجوکیشن آفیسر کی جانب سے جاری کردہ حکم نامہ کے مطابق ان (معطل کیے گئے اساتذہ) کے خلاف باقاعدہ آن لائن/آف لائن شکایات موصول ہوئی تھی جس کے بعد ایک مانیٹرنگ ٹیم کو نامزد کیا گیا جنہوں نے انویسٹی گیشن کی اور ان کی رپورٹ کے مطابق دو گورنمنٹ ٹیچرس پرائیویٹ کلینک میں تدریسی خدمات انجام دے رہے تھے۔

ذرائع کا کہنا ہے کہ پلوامہ میں واقع ’’ایس سی آئی‘‘ نامی ایک نجی کوچنگ سینٹر میں 18 مئی کو چھاپے کے دوران دو گورنمنٹ ٹیچرز کو سروس رولز کی صریح مخالفت کرتے ہوئے رنگے ہاتھوں دھر لیا گیا۔ انہوں نے کہا کہ محکمہ تعلیم کی جانب سے سختی سے منع کرنے اور بار بار ہدایت نامہ جاری کرنے کے باوجود دو گورنمنٹ ٹیچرز کو نجی کوچنگ سنٹر میں درس و تدریس کی خدمات انجام دیتے ہوئے پایا گیا۔ مانیٹرنگ ٹیم نے تحریری طور محکمہ تعلیم کو مطلع کیا جنہوں نے ان اساتذہ کو معطل کرنے کے احکامات صادر کیے۔

محکمہ تعلیم نے اس ضمن میں حکمنامہ جاری کیا کہ ایچ ایس سنگھو، نربل میں تعینات ایک استاد کو جی یو پی ایس شادی مرگ میں رپورٹ کرنے کی ہدایت دی گئی ہے جبکہ جی ایچ ایس، راجپورہ میں تعینات ایک اور معطل استاد کو ایچ ایس دودیمرگ لورگام میں رپورٹ کرنے کی ہدایت دی گئی ہے۔ معطل کیے گئے اساتذہ کو مثبت طور پر اپنی نئی جگہ رپورٹ کرنے کے لیے ان کی ذمہ داریوں سے فارغ کر دیا گیا ہے۔ انکوائری زیر التواء ہونے کی وجہ سے انہیں فوری طور پر معطل کر دیا گیا ہے۔ تاہم وہ ہر ایک کے خلاف دکھائے گئے اداروں کو مزید فرائض کے لیے رپورٹ کریں گے۔