ترال میں منشیات فروش گرفتار

منشیات فروشوں کے خلاف اپنی جنگ جاری رکھتے ہوئے ترال پولیس نے دو منشیات فروشوں کو گرفتار کر لیا ہے۔

تفصیلات کے مطابق ترال پولیس نے لاک ڈاؤن کی وجہ سے کچھمولہ نامی گاؤں میں ایک بائک پر سوار دو افراد کی چیکنگ کی۔ اس دوران ان کے قبضے سے 170 گرام چرس برآمد کی گئی۔

پولیس نے دونوں افراد کے خلاف ایف آئی آر درج کر کے تحقیقات شروع کردی ہے۔

گرفتار شدگان کی شناخت جاوید احمد لون اور عاصف منظور بٹ ساکنان لروجاگیر ترال کے طور پر ہوئی ہے۔

پولیس نے عوام سے منشیات اسمگلرز کے خلاف مہم میں تعاون دینے کی اپیل کی ہے۔

واضح رہے کہ گزشتہ روز بھی اونتی پورہ پولیس نے پانچ منشیات اسمگلرز کو گرفتار کرنے کا دعوٰی کیا تھا۔