ترال: سڑک پر دو ریچھ مردہ پائے گئے

رینج افسر ترال اقبال خورشید نے ای ٹی وی بھارت کو فون پر بتایا کہ اس سلسلہ میں ایک ایف آئی آر درج کی گئی ہے۔

جنوبی کشمیر ضلع پلوامہ کے ترال علاقے میں واقع چک راجپورہ میں آج صبح لوگوں کی ایک بڑی تعداد اس وقت جمع ہو گئی جب انہوں نے سڑک پر ایک مادہ ریچھ اور اس کے بچے کو مردہ پایا۔

تفصیلات کے مطابق دوران شب ترال نودل سڑک پر ایک ریچھنی اور اس کا بچہ سڑک کو پار کرنے کے دوران کسی گاڑی کی زد میں آ کر ہلاک ہوگیا۔ جونہی آج صبح لوگوں نے یہ خبر سنی تو لوگوں کی ایک بڑی تعداد وہاں جمع ہوئی۔

باور کیا جا رہا ہے کہ کسی گاڑی کی ٹکر سے یہ حادثہ پیش آیا ہے۔
واقعے کی خبر ملتے ہی وائلڈ لائف کے اہلکار جائے حادثہ پر پہنچ گئے اور ریچھ کی لاشوں کو قبضے میں لیا۔

رینج افسر ترال اقبال خورشید نے ای ٹی وی بھارت کو فون پر بتایا کہ اس سلسلہ میں ایک ایف آئی آر درج کی گئی ہے۔

انہوں نے کہا کہ بظاہر رات کی تاریکی میں کسی گاڑی نے ریچھنی اور اس کے بچے کو کچل دیا۔