ترال: دو نوجوانوں کو عسکریت پسندی میں شامل ہونے سے روکا گیا

ایس ڈی پی او کے مطابق پولیس نے اس کاروائی سے دو گھرانوں کے لڑکوں کو بھٹکنے سے روک دیا۔

ترال پولیس نے دعویٰ کیا ہے کہ اس نے وسطی کشمیر کے دو لڑکوں کو عسکریت پسندی میں شامل ہونے سے روک کر ان نوجوانوں کو متعلقہ تھانے کے سپرد کیا ہے۔

ای ٹی وی بھارت کو فون پر تفصیلات فراہم کرتے ہوئے ایس ڈی پی او ترال ڈاکٹر اعجاز ملک نے بتایا کہ انہوں نے وسطی ضلع بڈگام کے دو نوجوانوں باسط خورشید پال اور شھناز احمد خان ساکنان نارکرہ بڈگام کو ترال میں اس وقت گرفتار کر لیا جب وہ عسکریت پسندوں کے ساتھ شامل ہونے کے لیے یہاں راہیں تلاش کر رہے تھے۔

ایس ڈی پی او کے مطابق پولیس نے اس کاروائی سے دو گھرانوں کے چشم چراغ بھٹکنے سے روک دیا۔ انہوں نے مزید بتایا کہ بعد ازاں دونوں نوجوانوں کو بڈگام پولیس کے حوالے کیا جہاں ان سے پوچھ گچھ کی جا رہی ہے۔