ترال: صحافی عرفان ملک پوچھ گچھ کے بعد رہا

جنوبی کشمیر کے ترال سے تعلق رکھنے والے صحافی عرفان امین ملک کو ترال پولیس نے پوچھ گچھ کے لیے بلایا تھا۔

عرفان ملک سے پوچھ تاچھ کے بعد ترال پولیس نے انہیں رہا کردیا ہے۔ بتایا جارہا ہے کہ عرفان ملک نے جموں و کشمیر میں حکومت کی فلم پالیسی کے بارے میں ٹویٹ کیا تھا۔ جس کے بعد انہیں مقامی تھانے میں بلایا گیا اور کئی گھنٹوں تک پوچھ تاچھ کی گئی۔

عرفان ملک کو پولیس اسٹیشن طلب کرنے کے بعد مقامی صحافیوں کے ایک وفد نے بھی تھانے جاکر پولیس کے ساتھ بات کی۔ بعد ازاں پوچھ گچھ کے بعد عرفان کو رہا کیا گیا ہے۔

بتادیں کہ عرفان امین انگریزی روزنامہ رائزنگ کشمیر کے آن لائن ایڈیٹر ہیں اور قومی سطح کی کئی نیوز ایجنسیوں کے لیے بھی لکھ رہے ہیں۔