ڈی ڈی سی ممبر ترال ڈاکٹر ہر بخش سنگھ نے آج ترال کے مختلف دیہات کا دورہ کیا جس دوران موصوف نے مختلف ترقیاتی پروجیکٹس کا جائزہ لیا جب کہ رٹھسونہ میں موصوف نے حالیہ بارشوں کے دوران اسکول کے نزدیک بنڈ بہہ جانے سے پہنچے نقصان کا جائزہ بھی لیا۔
بعد ازاں ڈاکٹر ہر بخش سنگھ نے قویل جاکر وہاں حالیہ متاثرہ خاندان سے اظہار یکجہتی کرکے ان کو کمبل اور راشن فراہم کیے انھوں نے متاثرین کو بھرپور مالی امداد کی یقین دہانی کرائی۔
میڈیا سے بات کرتے ہوئے ڈاکٹر ہر بخش سنگھ نے بتایا کہ انھوں نے آج دہی ترقی کے مختلف کاموں کاجائزہ لیا ہے اور چونکہ مالی سال ختم ہورہا ہے اس لیے کام میں سرعت لانے کے لیے احکامات صادر کیے گئے ہیں۔