ترال: ریچھ کے حملے میں تین افراد زخمی

ترال کے آری گام میں ایک ریچھ نے خاتون سمیت تین افراد کو زخمی کر دیا ہے۔

سب ضلع ترال میں جنگلی جانوروں کا انسانی بستیوں میں گھس آنا اور انہیں زخمی کردینا معمول کی خبریں بن گئی ہیں جہاں گزشتہ دنوں آری پل اور بوچھو دیہات میں ریچھ نے دو افراد کو زخمی کر دیا وہیں آج ٹاون سے دو کلومیٹر دور آری گام میں ایک ریچھ نے کھیتوں میں کام کر رہے تین افراد جن میں ایک خاتون بھی شامل تھیں، کو زخمی کر دیا ہے جسکی وجہ سے وہاں مقامی آبادی میں خوف و ہراس پھیل گیا ہے۔

مقامی لوگوں نے وائیلڈ لائف محکمے کے افسران سے اس ریچھ کو پکڑنے کی اپیل کی ہے۔

وائیلڈ لائف کے ایک اعلی عہدیدار نے ای ٹی وی بھارت کو فون پر بتایا کہ 'ریچھ کو قابو میں کرنے کے لیے جال بچھایا گیا ہے اور انہیں امید ہے کہ وہ جلد ہی ریچھ کو قابو کرنے میں کامیاب ہوں گے۔