جنوبی ضلع پلوامہ کے قصبہ پانپور کے لالپورہ گاؤں کی سڑک پچھلے کئی سالوں سے خستہ حالی کا شکار تھی۔ مقامی لوگوں کے مطابق انہوں نے یہ مسئلہ کئی بار انتظامیہ تک پہنچایا لیکن انتظامیہ نے اس سڑک کی طرف کوئی توجہ نہیں دی۔ جس وجہ سے گاؤں کے لوگوں کو کافی دقتوں کا سامنا کرنا پڑ رہا تھا۔ اور آج انہوں نے ازخود سڑک کی مرمت کا کام شروع کیا۔
انتظامیہ سے بے زار لوگوں نے ازخود سڑک کی مرمت کی مقامی لوگوں نے کہا کہ سڑک اتنی زیادہ خستہ ہو چکی تھی کہ ٹرانسپورٹروں کے علاوہ عام لوگوں کو چلنے پھیرنے میں بے حد مشکلات کا سامنا کرنا پڑ رہا تھا۔مقامی لوگوں کے مطابق انتظامیہ کی عدم توجہی کے بعد آج گاؤں کے لوگوں نے مل کر خود اس سڑک پر تعمیر و تجدید کا کام کیا ہے۔ جس کے بعد اس سڑک کو قابل آمد و رفت بنایا گیا ہے۔مقامی لوگوں نے انتظامیہ سے اب اس سڑک پر میگڑامیزیشن کرانے کا مطالبہ کیا ہے۔
انہوں نے کہا کہ کہ میگڑامیزیشن سے یہ سڑک پختہ ہو سکتی ہے جس سے مقامی لوگوں کو کافی راحت محسوس ہوگی۔
