پلوامہ میں استاد کا کووڈ ٹیسٹ مـثبت، اسکول چار دن کے لیے بند

جموں و کشمیر کے ضلع پلوامہ میں انتظامیہ نے ابہامہ کے گورنمنٹ ہائیر سیکنڈری اسکول میں ایک لیب ٹیکنیشن کا کووڈ ٹیسٹ مثبت آنے کے بعد اسکول کو چار روز کے لئے بند کر دیا گیا ہے۔

جنوبی کشمیر کے ضلع پلوامہ میں گورنمنٹ ہائر سکنڈری اسکول ابہامہ میں لیب ٹیکنیشن کا کووڈ ٹیسٹ مثبت پائے جانے کے بعد استاد کو قرنطینہ میں رہنے کی ہدایت دی گئی ہے جبکہ اسکول کو احتیاطی طور چار روز کے لے بند کر دیا گیا ہے۔

گورنمنٹ ہائیر سیکنڈری اسکول کے پرنسپل ریاض احمد نے تصدیق کرتے ہوئے ای ٹی وی بھارت کو بتایا کہ لیب ٹیکنیشن کا کورونا ٹیسٹ مثبت آنے کے بعد اسکول میں درس و تدریس کا سلسلہ احتیاطی طور چار روز کے لیے بند کر دیا گیا ہے۔

اس سے قبل سرینگر اور بڈگام میں بھی اسکول عملے کے ارکان کا کورونا ٹیسٹ مثبت پائے جانے کے بعد اسکولوں کو احتیاطی طور چند دنوں کے لئے بند کر دیا گیا تھا۔

اسکولوں میں کورونا کیسز سامنے آنے کے بعد طلبا اور سرپرستوں میں تشویش کی لہر دوڑ گئی ہے۔

قابل ذکر ہے کہ دفعہ 370 کی منسوخی اور کورونا کے باعث عائد لاک ڈاؤن کے نتیجے میں تعلیمی اداروں میں درس و تدریس کا سلسلہ منقطع کر دیا گیا تھا۔

یکم مارچ کو نویں سے لیکر بارہویں جماعت کے بعد 8 مارچ کو چھٹویں سے لیکر آٹھویں جماعت تک کے بچوں کے لیے اسکولوں میں درس و تدریس کا سلسلہ شروع ہو گیا تھا جبکہ آج سے پرائمری اسکولوں میں کلاسز شروع ہو گئی ہیں۔