Religious Gathering in Pulwama: تنظیم المکاتب کے زیر اہتمام پلوامہ میں اجتماع

ضلع پلوامہ کے ہانجی کھلو علاقے میں تنظیم المکاتب کے زیر اہتمام منعقد کیے گئے اجتماع میں Tanzeem ul makatib Holds Religious Gathering in pulwamaمختلف ریاستوں سے مدعو کیے گئے کئی علماء نے خطاب کیا۔

پلوامہ: جنوبی کشمیر کے پلوامہ ضلع کے ہانجی کھلو گانگوہ علاقے میں شیعہ مکتبہ فکر سے وابستہ افراد نے مقامی امام بارگاہ میں تنظیم المکاتب میں زیر تعلیم طلبہ کے لیے ایک اجتماع کا اہتمام کیا Tanzeem ul makatib Holds Religious Gathering in pulwamaجس میں لکھنؤ سمیت مختلف علاقوں سے مدعو کیے گئے علماء کرام نے بھی شرکت کی۔ منتظمین کے مطابق اجتماع میں اننت ناگ اور پلوامہ اضلاع سے آئے سینکڑوں اسکولی بچوں کے علاوہ علماء کرام اور مقامی باشندوں نے شرکت کی۔

میڈیا نمائندوں کے ساتھ بات کرتے ہوئے منتظمین کا کہنا تھا کہ اجتماع کے دوران طلبہ کے لیے تقاریر سمیت مختلف مقابلوں کا انعقاد عمل میں لایا گیا۔ Religious Gathering in pulwama انہوں نے کہا کہ بہترین کارکردگی کا مظاہرہ کرنے والے طلبہ کی حوصلہ افزائی کے لیے انہیں انعامات و اسناد سے بھی نوازا گیا۔ اسکے علاوہ مدعو کیے گئے علماء کرام نے اسلامی تعلیمات کے حوالے سے پند و نصائح سے نوازا وہیں اس موقع پر نعتیہ مشاعرہ کا بھی انعقاد کیا گیا۔

منتظمین کے مطابق ’’پروگرام کا اصل مقصد بچوں کو دینی تعلیمات اور اسلام کے بارے میں بنیادی معلومات فراہم کرنا ہے۔‘‘ اجتماع کے حوالے سے انہوں نے تفصیلات انہوں نے مزید کہا کہ اس سلسلے میں ڈاکٹر میر محمد ابراہیم نے بات کرتے ہوئے کہا ضلع پلوامہ اور ضلع اننت ناگ کے 20 اسکولوں کے بچے اس پروگرام میں شرکت کررہے ہیں۔

تنظیم المکاتب کا تعارف کراتے ہوئے انہوں نے کہا کہ مکتب امامیہ ہند کے زیر اہتمام تنظیم المکاتب گزشتہ چار دہائیوں سے سرگرم عمل ہے اور اس کے زیر اہتمام وادی کشمیر کے تقریباً سبھی اضلاع میں مکاتب چل رہے ہیں جہاں عصری تعلیم کے ساتھ ساتھ طلبہ کو دینی علوم سے بھی آراستہ کیا جاتا ہے۔ Tanzeem ul makatib Seminar in Pulwamaانہوں نے مزید کہا کہ تنظیم المکاتب کی سرپرستی میں وادی کے مختلف اضلاع میں 400 کے قریب مکاتب کام کر رہے ہیں۔