جموں وکشمیر فارماسسٹ ایسوسی ایشن کی طرف سے ٹاون ہال ترال میں ایک تقریب کا اہتمام کیا گیا تھا جس میں ایسوسی ایشن کے سبکدوش ہوئے صدر شیخ معراج الدین کی عزت افزائی کی گئی۔
ایسو سی ایشن کے تئیں ان کی خدمات کو سراہا گیا اور ان کی جانب سے دی گئی قربانیوں کو خراج عقیدت پیش کیا گیا۔
فارماسسٹ ایسوی ایشن کی جانب سے الوداعی تقریب کا اہتمام کیا گیا اس موقع پر ضلع پلوامہ کے فارماسسٹوں کے علاوہ ایسوی ایشن کے تمام ضلع صدور نے شمولیت کی۔
اس موقع پر شوکت اندرابی کو ایسوسی ایشن کا نیا صدر منتخب ہونے پر مبارک باد پیش کی گئی۔
یہ بھی پڑھیں: ملیے کشمیر کی جواں سالہ آرٹ ڈائریکٹر سے
میڈیا سے بات کرتے ہوئے جموں وکشمیر فارماسسٹ ایسوسی ایشن کے نو منتخب صدر سید شوکت اندرابی نے بتایا کہ وہ اپنے ملازمین کے حقوق کے لیے جدوجہد کرتے رہیں گے۔
سابق صدر شیخ معراج الدین نے بتایا کہ وہ سبکدوش ہونے کے باوجود ملازمین کے لیے اپنے آپ کو ہر وقت تیار رکھیں گے اور انہیں کبھی تنہا نہیں چھوڑیں گے۔
