اسپائس بورڈ منسٹری آف کامرس اینڈ انڈسٹریزSpice Board Ministry of Commerce and Industries کو حکومت ہند نے بین الاقوامی ہندوستانی زعفران کے تجارتی مرکز پامپور پلوامہ میں زعفران کی کاشت Saffron cultivation سے وابستہ کشمیر کے نوجوانوں کے لیے ٹریننگ پروگرام کا اہتمام کیا۔
اس موقع پر ڈائریکٹر ڈویلپمنٹ اسپائس بورڈ آف انڈیا، جوائنٹ ڈائریکٹر اسپائس بورڈ سری نگر، محکمہ زراعت کے افسران اور کسانوں اور نوجوانوں کی بڑی تعداد نے پروگرام میں شرکت کی۔
پروگرام کے دوران نوجوانوں اور کسانوں کو زعفران کی پیداوار میں اضافہ کرنے کے طریقے سکھائے گئے، وہی مارکیٹنگ کے بارے میں بھی شرکا کو ضروری جانکاری فراہم کی گئی۔
پروگرام کا مقصد زعفران کی صنعت کو فروغ دینا اور وادی کے زیادہ سے زیادہ نوجوانوں کو زعفران کی صنعت سے وابستہ کروانا تھا تاکہ یہاں کے نوجوان زعفران کی کاشتکاری سے منسلک ہو کر روزگار کے معاملے میں خودکفیل بن سکیں۔
