ترال ڈاڈسرہ میں میونسپل کمیٹی کی جانب سے صفائی مہم

ڈاڈسرہ اور نوڈل سڑکوں کے کناروں پر بھنگ اور گھاس کو اکھاڑا گیا جبکہ ڈرینیج نظام کی صفائی کی گئی اور شہر کو بیرون وادی سے جوڑنے والی ان شاہراہوں کو جازب نظر بنایا گیا۔

مرکز کے زیر انظام جموں و کشمیر کے ضلع پلوامہ میں میونسپل کمیٹی ترال کی جانب سے دو ہفتوں سے خصوصی صفائی مہم کے تحت ترال بالا اور پائین میں صفائی ستھرائی کی گئی جس کی نگرانی ایگزیکٹو آفیسر میونسپل کمیٹی ترال منظور احمد بٹ کر رہے تھے۔

اس دوران ملازمین نے ترال ڈاڈسرہ اور ترال نوڈل سڑکوں کے کناروں پر خودرو بھنگ اور گھاس کو اکھاڑا جبکہ ڈرینیج نظام کی صفائی کی گئی اور شہر کو بیرون وادی سے جوڑنے والی ان شاہراہوں کو جازب نظر بنایا گیا۔

عوام نے ایم سی ترال کی صفائی مہم پر اظہار اطمینان کرتے ہوئے کہا ہے کہ اس مہم کو جاری رکھا جانا چاہئے تاکہ ترال ٹاون کی شان رفتہ بحال ہو سکے۔

سکریٹری ایم سی ترال نذیر احمد ملک نے بتایا کہ 'سوچھتا پکھواڑا' کے بعد انھوں نے ایک اور خصوصی مہم شروع کی ہے تاکہ ترال ٹاون کی خوبصورتی میں اضافہ ہو سکے کیونکہ یہ ایک تاریخی علاقہ ہے اور یہاں کے گلی کوچوں اور آبی ذخائر کی دیکھ ریکھ ان کی اولین ذمہ داری ہے۔

انہوں نے عوام سے ترال ٹاون کو صاف وشفاف رکھنے کے لیے تعاون کرنے کو کہا ہے۔