Skill Development Program in Pulwama: پلوامہ میں اسکل ڈیولپمنٹ و ٹریننگ پروگرام

جموں و کشمیر کھادی اینڈ ویلج انڈسٹریزبورڈ کی وائس چیئرمین ڈاکٹر حنا شفیع بھٹ نے آج ضلع پلوامہ کے ٹاؤن ہال میں بے روزگار نوجوانوں کے لیے اسکل ڈیولپمنٹ اور ٹریننگ پروگرام کا افتتاح Skill Development Program In Pulwama کیا۔ اس پروگرام میں ضلع بھر سے آئے بے روزگار نوجوانوں نے شرکت کی۔

پلوامہ:وائس چیئرپرسن جے اینڈ کے کھادی اینڈ ویلج انڈسٹریز بورڈ ڈاکٹر حنا شفیع بھٹ نے آج ٹاؤن ہال پلوامہ میں بے روزگار نوجوانوں کے لیے ضلع سطح کے ہنر مندی اور تربیتی پروگرام کا افتتاح Skill Development Program In Pulwama کیا۔ اس پروگرام کا اہتمام کھادی اور ولیج کی صنعت بورڈ نے کیا تھا۔ پروگرام میں ضلع پلوامہ کے مختلف حصوں سے آے ہوئے بے روزگار نوجوانوں کی ایک اچھی تعداد نے شرکت کی۔ اس موقع پر نوجوانوں نے کئی سارے معاملات وائیس چیرپرسن کے سامنے رکھے، جس پر انہوں نے نوجوانوں کو بھرپور مدد کی یقین دہانی کی۔

اس موقع پر وائس چیئرپرسن ڈاکٹر حنا شفیع نے کہا کہ ایسے پروگرامز سے نوجوانوں میں پیشہ ورانہ مہارتوں کو فروغ دینے میں مدد ملے گی تاکہ انہیں روزگار کے قابل بنایا جا سکے۔انہوں نے کہا کہ حکومت کی جانب سے نوجوانوں کو روزگار میں خود کفیل بنانے کا وعدہ کیا گیا ہے اس لیے حکومت نوجوانوں کو ہر قسم کی سہولیات فراہم کر رہی ہے۔

ڈاکٹر حنا شفیع نے مزید کہا کہ نوجوانوں کو چاہیے کہ وہ سرکاری ملازمتوں کے بجائے اپنے یونٹس شروع کریں تاکہ وہ دوسرے بے روزگار نوجوانوں کے لیے بھی روزگار کے مواقع پیدا کر سکیں۔وائس چیئرپرسن نے نوجوانوں کی مدد کے لیے حکومت کی طرف سے شروع کیے گئے مختلف روزگار اور تربیتی پروگراموں کا حوالہ دیا اور ان پر زور دیا کہ وہ ان سکیموں سے استفادہ حاصل کریں۔