ترال: انتظامیہ کے خلاف لوگوں کا خاموش احتجاج

جنگلی جانوروں کی طرف سے فصلوں کو نقصان پہنچانے کے خلاف سب ضلع ترال کے شکار گاہ اور لرہ بل کی آبادی نے آج انتظامیہ کے خلاف خاموش احتجاج کیا۔

اس ضمن میں ایک احتجاجی، سرتاج احمد نے میڈیا کو بتایا کہ 'ہرن اور دیگر جنگلی جانور مقامی آبادی میں گھس کر میوہ اور فصلوں کو نقصان پہنچاتے ہیں۔'‎

انہوں نے کہا کہ 'ان ہرنوں نے سیب کے باغات اور سبزی کیاریوں کو زبردست نقصان پہنچایا ہے اور بار بار کی گزارشات کے باوجود اس ضمن میں انتظامیہ اس معاملے کی نسبت کوئی توجہ نہیں دے رہا ہے۔'

انہوں نے انتظامیہ سے مطالبہ کیا کہ شکارگاہ پارک میں دیواربندی کی جائے تاکہ عوام کی شکایات کا ازالہ ہو سکے۔'

واضح رہے کہ شکارگاہ ایک معروف سیاحتی مقام ہے جہاں مہاراجہ ہری سنگھ شکار کرنے کے لیے آتا تھا اور اسی لیے اسے شکارگاہ کہا جاتا ہے۔