پانپور: بھائی کے ہاتھوں بھائی کا قتل

ضلع پلوامہ کے قصبہ پانپور کے کونبل علاقے میں دو بھائیوں کے مابین جھگڑے کے نتیجے میں چھوٹے بھائی کی موت ہوگئی ۔

جنوبی کشمیر کے قصبہ پانپور میں بھائی کے ہاتھوں بھائی کے قتل کا دل دہلا دینے والے واقعہ پیش آیا ہے۔

ای ٹی وی بھارت کے مطابق پانپور کے کونہ بل علاقے میں دو بھائیوں کے مابین کسی بات کو لیکر جھگڑا شروع ہوا اور معاملہ مارپیٹ تک جا پہنچا جس کے نتیجے میں 19 سالہ برہان عزیز کو شدید چوٹیں آئیں۔

زخمی ہونے کے بعد برہان کو فوری طور سرینگر کے ایس ایم ایچ اس اسپتال پہنچایا گیا جہاں وہ زخموں کی تاب نہ کار دم توڑ بیٹھا۔

فوت ہونے والے نوجوان کی قانونی و طبی لوازمات کے بعد لاش کو آخری رسومات کے لئے لواحقین کے حوالے کیا گیا ہے۔

پولیس نے قاتل کی شناخت عابد عزیز ولد عبد العزیز ساکنہ کونہ بل پانپور کے طور پر کی ہے جو مقتول کا بڑا بھائی ہے۔

اس سلسلے میں پانپور پولیس نے سی آر پی سی 174 کے تحت مقدمہ درج کرکے مزید تحقیقات شروع کر دی ہے۔