جموں وکشمیر کے پلوامہ میں میڈیا ورکشاپ کا انعقاد کیا گیا جس کا افتتاح ڈپٹی کمشنر پلوامہ بصیر الحق چودھری نے ڈپٹی ڈائریکٹر پی آئی بی غلام عباس اور دیگر عہدیداروں کی موجودگی میں کیا۔ Rural Media Workshop in Pulwama
اس تقریب کا مقصد مقامی میڈیا کو مختلف مرکزی معاونت والی اسکیموں اور عام لوگوں میں بیداری لانے کے لیے میڈیا کے کردار کے بارے میں حساس بنانا تھا۔
اپنی تقریر میں ڈپٹی کمشنر پلوامہ نے کہا کہ "چھپے ہوئے مسائل کو اجاگر کرنے، دیہی لوگوں میں مختلف سرکاری اسکیموں اور فلیگ شپ پروگراموں کے بارے میں بیداری پھیلانے میں میڈیا کا بہت اہم کردار ہے۔
انہوں نے کہا میڈیا جمہوریت کا ایک مضبوط ستون ہے۔ اس لیے میڈیا کو بہت اچھے طریقے سے کام کرنا چاہیے تاکہ ہمارے ملک کے ساتھ ساتھ جموں وکشمیر بھی زیادہ سے زیادہ ترقی حاصل کر سکے۔پروگرام کے دوران میڈیا والوں نے مستقبل میں اس طرح کی مزید ورکشاپز منعقد کرنے کے بارے میں اپنے خیالات کا اظہار کیا تاکہ وقتاً فوقتاً مختلف سرکاری اسکیموں کے بارے میں مزید معلومات حاصل کی جاسکیں۔
اس موقع پر معززین ضلع افسران پلوامہ اور شوپیاں کے میڈیا نمائندے پروگرام میں موجود تھے۔