Auqaf Property In Pulwama پلوامہ میں میونسپل کونسلز کی جانب سے اوقاف کی جائیداد پر قرارداد پاس

پلوامہ میں میونسپل کونسلز کی جانب سے ایک قرارداد پاس کی گئی ہے جس میں کہا گیا کہ اوقاف کی املاک محمکہ بلدیات کی تحویل میں دی جائے نہ کہ وقف بورڈ کی۔ اس موقعے پر میونسپل کونسلر ولی محمد نے بات کرتے ہوئے کہا کہ یہ جائیداد ضلع پلوامہ کے عوام کا حق ہے اور اس کو ضلع کی ترقی کے لیے استعمال کیا جائے۔

پلوامہ:جنوبی کشمیر کے ضلع پلوامہ میں میونسپل کونسلز کی جانب سے ایک قرارداد پاس کی گئی ہے، جس میں کہا گیا کہ ضلع پلوامہ میں جیتنی بھی اوقاف کی املاک ہیں، اس کو وقف بورڈ کی تحویل میں نہ دیا جائے۔ ضلع پلوامہ میں حال ہی میں وقف بورڈ کی چیئرپرسن درخشان اندربی نے دورہ کیا تھا، جہاں انہوں نے نوجوانوں کے ساتھ ساتھ تاجروں سے بھی ملاقات کی تھی اور انہیں کہا گیا تھا کی اوقاف کی تحویل میں جو بھی ضلع پلوامہ کی جائیداد ہے۔ اس کو وقف بورڈ تحویل میں لے۔ اگرچہ یہ چند افراد کی مانگ تھی تاہم اس پر میونسپل کونسلز نے ایک اجلاس بلایا۔

اس اجلاس کی صدرات کونسل کے چیئرمین بلال احمد نے کی۔ جہاں پر اوقات کی جائیداد کو وقف کی تحویل میں دینے کی مخالفت کی گئی۔ اس موقع پر کونسلز کی جانب سے ایک قرارداد منظور کی گئی۔ جس میں کہا گیا کہ اوقاف کی جائیداد محمکہ بلدیات کے تحویل میں دیا جائے نہ کہ وقف بورڈ کی۔ اس موقع پر 13 میں سے دس کونسلز نے اس قرارداد پر دستخط کئے اور محمکہ بلدیات کے افسروں کو سپرد کئے۔

اس موقعے پر میونسپل کونسلر ولی محمد نے بات کرتے ہوئے کہا کہ یہ جائیداد ضلع پلوامہ کی عوام کا حق ہے اور اس کو ضلع کی ترقی کے لئے استعمال کیا جائے۔ اس دوران کونسل کے چیئرمین بلال احمد نے بات کرتے ہوئے کہا کہ کچھ افراد نے اوقاف کی جائیداد کو وقف بورڈ کی تحویل میں دینے کی بات کی تھی تاہم آج کونسل کا اجلاس ہوا جس میں یہ قرارداد منظور کی گئی کہ جائیداد وقف بورڈ کے بجائے محمکہ بلدیات کی تحویل میں دیا جائے تاکہ یہ ضلع کی تعمیر وترقی کے کام آجائے۔