ریڈ زون علاقے کے لوگوں کا انتظامیہ کے خلاف احتجاج

جنوبی کشمیر کے ضلع پلوامہ میں ریڈزون قرار دیے گئے بودرو محلہ ترال کے لوگوں نے آج انتظامیہ کے خلاف احتجاج کیا۔

انہوں نے بتایا کہ ان کے علاقے کو ریڈ زون قرار دیا گیا تھا جب ان کے علاقے میں کئی مثبت کیسز سامنے آئے تھے۔ تاہم بعد میں وہ کیسز دوسری لیباریٹری میں منفی ثابت ہوئے۔

احتجاجیوں نے الزام لگایا کہ 'انتظامیہ نے ان کے ساتھ مجرموں جیسا سلوک روا رکھا جس کی وجہ سے ان کے بچے ذہنی بیماریوں میں مبتلا ہو گئے ہیں۔'

انہوں نے مزید کہا کہ مقررہ میعاد گزرنے کے باوجود ان کے علاقے سے ریڈزون ہٹایا نہیں جا رہا ہے جس کی وجہ سے ان کے گھریلو معاملات متاثر ہو رہے ہیں۔

انہوں نے مطالبہ کیا ہے کہ ان کے علاقے کو ریڈ زون زمرے سے ہٹایا جائے تاکہ ان کے مسائل حل ہو سکیں۔