ریئل کشمیر کی ٹیم اسپیکٹرم فٹبال ٹورنامنٹ کی فاتح

عبد المجید ککرو نے کہا 'کھیل کود سے نوجوانوں میں ایک نیا جوش و جذبہ پیدا ہوتا ہے۔ نوجوانوں میں بہت ٹیلنٹ موجود ہے لیکن انہیں مناسب پلیٹ فارم مہیا کرانے کی ضرورت ہے'۔

ضلع پلوامہ کے قصبہ پانپور کے اقبال سٹیڈیم میں آج اسپیکٹرم فٹبال ٹورنامنٹ کا فائنل میچ کھیلا گیا۔ جس میں ریئل کشمیر ایف سی (ریزرو) نے لیکسیکون ایف سی گاندربل کو 7-0 سے ہرا دیا۔

آر کے ایف سی نے میچ کے پہلے ہاف میں تب برتری حاصل کی جب ان کے اسٹرائیکر نے انتہائی عمدہ شاٹ سے گول کردیا۔ (گیند کو جال میں ڈال دیا)

فاتح ٹیم کے دانش احمد کو بہترین کارکردگی کے لیے 'مین آف دی میچ' ایوارڈ جبکہ عامر کو 'مین آف دی ٹورنامنٹ' قرار دیا گیا۔ اس ٹورنامنٹ میں کل 32 ٹیموں نے حصہ لیا تھا۔

ٹورنامنٹ کا مقصد نوجوانوں کو کھیل کود کی طرف راغب کرنا تھا تاکہ انہیں سماجی براٸیوں سے دور رکھا جاسکے۔

اس موقع پر چیئرمین اسپیکٹرم ایڈورٹائزنگ سروسز عبد الرشید بٹ اور تحصیلدار پانپور اس موقع پر مہمان خصوصی کے طور پر موجود رہے جبکہ بھارت کے سابق فٹبال کھلاڑی عبد المجید ککرو اور دیگر معززین بھی تقریب میں شامل تھے۔

عبد المجیدککرو نے کہا 'کھیل کود سے نوجوانوں میں ایک نیا جوش و جذبہ پیدا ہوتا ہے اور ان میں کچھ بڑا کرنے کی ہمت پیدا ہو جاتی ہے'۔

انہوں نے کہا 'وادی کے نوجوانوں میں بہت ٹیلنٹ موجود ہے لیکن انہیں مناسب پلیٹ فارم مہیا کرنے کی ضرورت ہے'۔