پلوامہ: مرحوم غلام قادر میر کی 27 ویں برسی پر خراج عقیدت پیش

مرحوم نے اپنی حیات کے 67 سالوں میں سیاسی، سماجی اور مذہبی شعبوں میں کشمیری قوم کی خدمت کی۔ ان کی چھاپ آج بھی ان کے چاہنے والوں کے دلوں میں موجود ہے۔

ضلع پلوامہ کے مورن علاقے میں آج مرحوم غلام قادر میر عرف شیر مورن کو ان کی 27 ویں برسی پر خراج عقیدت پیش کی گئی۔

سابق ایم ایل اے اور سماجی شخصیت مرحوم غلام قادر میر عرف شیر مورن کو 27 سال قبل آج ہی کے روز یعنی 9 اپریل 1994 کو نامعلوم مسلح افراد نے مورن پلوامہ میں ہلاک کیا تھا۔

مرحوم نے اپنی حیات کے 67 سالوں میں سیاسی، سماجی اور مذہبی شعبے میں کشمیری قوم کی خدمت کی جس کی چھاپ آج بھی مرحوم کے محبان کے دلوں میں موجود ہے۔

مرحوم کی 27 ویں برسی پر وادی کی مختار سیاسی، سماجی اور دینی تنظیموں نے ان کی خدمات کو یاد کیا اور انہیں خراج عقیدت پیش کیا۔

اس دوران مرحوم کے آبائی مقبره واقع مورن پلوامہ میں مرحوم غلام قادر میر کے حق میں دعائے مغفرت کی۔