پانپور کا واٹر پمپ اسٹیشن گندگی کے ڈھیر میں تبدیل

ضلع پلوامہ میں قصبہ پانپور کے واٹر پمپ اسٹیشن میں گندگی کے ڈھیر اور جمع پانی کے سبب نہ صرف راہگیروں بلکہ مقامی دکانداروں کو بھی پریشانوں کا سامنا کرنا پڑ رہا ہے۔

جنوبی کشمیر کے ضلع پلوامہ کا واٹر پمپ اسٹیشن پانپور گندگی کے ڈھیر میں تبدیل ہو چکا ہے۔ جس کے سبب عام لوگوں کے علاوہ دکانداروں کو بھی پریشانیوں کا سامنا کرنا پڑتا ہے۔

مقامی لوگوں کا کہنا ہے کہ واٹر پمپ اسٹیشن میں جمع گندگی اور پانی سے اٹھنے والی بدبو سے مقامی دکانداروں اور رہائشیوں کو مشکلات کا سامنا درپیش ہے۔

مقامی کانداروں کا کہنا ہے گندگی کی وجہ سے یہاں کا ڈرینیج سسٹم بھی خراب ہو چکا ہے اور معمولی بارش سے پانی سڑکوں کے اوپر آجاتا ہے جو کافی گندا ہوتا ہے جس سے راہ گیروں کو عبور و مرور میں گونا گوں پریشانیاں جھیلنی پڑتی ہیں۔

مقامی لوگوں اور دکانداروں نے انتظامیہ سے اپیل کی ہے کہ واٹر پمپ اسٹیشن کی صفائی کی پختہ انتظام کرکے گندگی کو ہٹایا جائے۔