ترال: نودل علاقے میں کمین گاہ سے گولہ بارود بر آمد

ضلع پلوامہ کے نودل، ترال علاقے میں حفاظتی اہلکاروں نے عسکریت پسندوں کے خفیہ ٹھکانے کو تباہ کرکے اسلحہ اور گولہ بارود برآمد کرلیا۔

جموں و کشمیر پولیس کے مطابق فوج، سی آر پی ایف اور پولیس کی ایک مشترکہ ٹیم نے نودل، ترال میں عسکریت پسندوں کی ایک کمین گاہ کو تباہ کر کے بھاری مقدار میں اسلحہ اور گولہ بارود بر آمد کیا ہے۔

نودل، ترال میں ایس او جی، سی آر پی ایف اور فوج کی 42 آر آر نے سرچ آپریشن شروع کیا تھا جس کے دوران حفاظتی اہلکاروں نے ایک مقامی زیارت گاہ کے نزدیک عسکریت پسندوں کی کمین گاہ کا پتہ لگایا۔

پولیس کے بیان کے مطابق خفیہ ٹھکانے سے بھاری مقدار میں اسلحہ اور گولہ بارود بر آمد کیا گیا۔

پولیس کے بیان کے مطابق برآمد کیے گئے اسلحہ میں 51mm موٹر شیل کے 7 بم۔ PIKA کے 260 راؤنڈ۔ 2 چلی گرینیڈ اور 2 عدد پیپر اسپرے شامل ہیں۔