امیر آباد ترال میں سرچ آپریشن

سیکورٹی فورسز نے جمعرات کی دوپہر سب ضلع ترال کے امیر آباد علاقے کا محاصرہ کر کے سرچ آپریشن شروع کر دیا ہے۔

عسکریت پسندوں کی موجودگی کے حوالے سے خفیہ اطلاعات موصول ہونے کے بعد ایس او جی ترال، سنٹرل ریزرو پولیس فورس (سی آر پی ایف) اور فوج کی 42 آر آر نے مشترکہ طور جمعرات کی دوپہر قصبہ ترال کے امیر آباد علاقے کو محاصرے میں لے لیا۔

سیکورٹی فورسز کی بھاری نفری کو امیر آباد کے داخلی اور خارجی راستوں پر بٹھا دیا گیا ہے اور خانہ تلاشیوں کا سلسلہ بھی شروع کیا گیا ہے۔

قابل ذکر ہے کہ چند روز قبل بھی یہاں سرچ آپریشن شروع کیا گیا تھا جو بعد میں پرامن طور ختم ہوا تھا۔

خبر لکھے جانے تک امیرآباد میں سرچ آپریشن جاری تھا۔