پانپور: آتشزدگی میں تین دکانیں خاکستر

ضلع پلوامہ کے کدلہ بل، پانپور میں آگ کی ہولناک واردات میں میں تین دکانیں خاکستر ہو گئیں۔

ضلع پلوامہ کے پانپور قصبہ میں آگ کی ہولناک واردات کے دوران تین دکانیں خاکستر ہو گئیں تاہم اس سانحے میں کسی جانی نقصان کی کوئی اطلاع نہیں ہے۔

اطلاعات کے مطابق اتوار اور پیر کی درمیانی شب کدلہ بل، پانپور میں ایک دکان سے اچانک آگ نمودار ہوئی جس کی زد میں دو دیگر دکانیں بھی آ گئیں۔

مقامی لوگوں کے مطابق انہوں نے آگ کو مزید پھیلنے سے روک لیا تاہم آگ نے تین دکانوں کو مکمل طور خاکستر کر دیا ہے۔

انہوں نے کہا کہ آگ کی اس واردات میں اگرچہ کوئی جانی نقصان نہیں ہوا تاہم دکانوں میں موجود لاکھوں روپے مالیت کی املاک راکھ کے ڈھیر میں تبدیل ہو گئی۔