عوام کو درپیش مسائل کا از خود جائزہ لینے اور بیک ٹو ولیج تھری کے حوالے سے تقریبات میں شامل ہونے کے لئے آج پلوامہ کے ضلع ترقیاتی کمشنر ڈاکٹر راگھو لنگر نے ترال کے بالائی علاقوں کا دورہ کیا اور عوامی وفود سے ملاقات کی۔
ضلع ترقیاتی کمشنر ڈاکٹر راگھو لنگر نے کئی افسران کے ہمراہ ترال کے پستونہ، آری پل، گلشن پورہ اور ستورہ علاقوں میں بیک ٹو ولیج تھری کے متعلق تقریبات میں شامل ہوئے۔
اس دوران متعدد عوامی وفود نے ضلع ترقیاتی کمشنر کے سامنے اپنے اپنے مسائل پیش کئے۔ ترقیاتی کمشنر نے عوامی مسائل غور سے سنے اور ان کو حل کرانے کی یقین دہانی کرائی۔
عوامی حلقوں نے ضلع ترقیاتی کمشنر کے دورے پر اطمینان کا اظہار کرتے ہوئے کہا کہ انھیں امید ہے کہ ترال کے جملہ مسائل حل ہوں گے۔
