Climbing competition in Delhi پلوامہ کے طالب علم نے کلائمبنگ میں میڈل حاصل کیا

کفیل الحق نے اس سے قبل 23 ویں یو ٹی لیول سب جونیئر لڑکوں کے کلائمبنگ مقابلے میں گولڈ میڈل جیتا تھا،اس مقابلے میں 600 کلئمبرس نے شرکت کی تھی۔

پلوامہ:جموں و کشمیر کے پلوامہ ضلع سے تعلق رکھنے والے ایک نوجوان لڑکے کفیل الحق نے دہلی میں منعقدہ نارتھ زون کلائمبنگ چیمپئن شپ کے مقابلے میں دوسری پوزیشن حاصل کی ہے۔ کفیل کا تعلق ضلع پلوامہ کے رتنی پورہ گاؤں سے ہے اور وہ رتنی پورہ کے ہائیر سیکنڈری اسکول میں 9ویں جماعت میں زیرِ تعلیم ہے۔
کفیل نے اس سے قبل 23 ویں یو ٹی لیول سب جونیئر لڑکوں کے کلائمبنگ کے مقابلے میں گولڈ میڈل جیتا تھا جو جموں میں 23 اور 24 ستمبر کو منعقد ہوا تھا۔ اس مقابلے میں 600 کلئمبرس نے شرکت کی تھی، لیکن کفیل نے اپنی ہمت اور مہارت سے ان میں اول مقام حاصل کرکے گولڈ میڈل اپنے نام کرلیا۔ گولڈ میڈل حاصل کرنے کے بعد اس کا انتخاب دہلی میں نارتھ زون مقابلے کے لیے ہوا تھا۔

نارتھ زون کلائمبنگ چیمپئن شپ میں کفیل نے 17 سیکنڈ میں دیوار پر چڑھ کر دوسری پوزیشن حاصل کی جبکہ صرف ایک سیکنڈ سے انہوں نے پہلی پوزیشن کھو دی۔ کفیل اب لیڈ کلائمبنگ اور بولڈرنگ مقابلے میں حصہ لے رہے ہیں اور امید ہے کہ وہ اپنے عزم اور تربیت کو دیکھتے ہوئے مزید دو تمغے جیتیں گے۔