بی جے پی لیڈر الطاف ٹھاکر نے بدھ کو ضلع پلوامہ کے قصبہ ترال کے مختلف دیہات کا دورہ کیا اور برفباری کے بعد پیدا شدہ صورتحال کا جائزہ لیا۔
دورے کے دوران انہوں نے عوامی وفود سے ملاقات کی۔ عوامی وفود نے اپنے اپنے علاقہ جات کے مسائل سے انہیں آگاہ کیا۔
ترال بس اسٹینڈ میں انہدامی کارروائی سے متاثرہ دکانداروں کے ساتھ ٹاؤن ہال ترال میں ایک تفصیلی بات چیت کے دوران متاثرہ دکانداروں نے اپنے مسائل ابھارے جس پر الطاف ٹھاکر نے ہمدردانہ غور کرنے کی یقین دہانی کرائی۔
بعد ازاں ٹھاکر نے بٹ نور اور مندورہ دیہات کا بھی دورہ کیا۔
میڈیا سے بات کرتے ہوئے الطاف ٹھاکر نے بتایا کہ بی جے پی عوام کی خواہشات اور احساسات کا احترام کرتی ہے اور ترال میں متاثرہ دکانداروں کی باز آبادکاری کے لیے وعدہ بند ہے اور عنقریب انکو نئے دکانات فراہم کیے جائیں گے۔