پلوامہ: پانپور میں فوج کی جانب سے مفت طبی کیمپ منعقد

فوج کی جانب سے ضلع پلوامہ کے قصبہ پانپور میں طبی کیمپ کا انعقاد کیا گیا جس میں ماہر ڈاکٹروں نے مریضوں کا معائنہ کرنے کے علاوہ مریضوں کو ادویات بھی مفت فراہم کی۔

ضلع پلوامہ کے قصبہ پانپور میں فوج کی 50راشٹریہ رائفلز نے سنگرونی، کھنموہ میں ایک طبی کیمپ کا انعقاد کیا جہاں مریضوں کی طبی جانچ کے علاوہ ادویات بھی مفت تقسیم کی گئیں۔

فوج کے ایک افسر نے بتایا کہ طبی کیمپ دور دراز علاقوں میں رہائش پذیر لوگوں کی مدد کے لیے قائم کیے جارہے ہیں۔

انہوں نے کہا کہ کورونا وائرس کے سبب عائد لاک ڈاؤن کی وجہ سے لوگ اقتصادی طور پر کمزور ہونے کے علاوہ مختلف جسمانی و ذہنی امراض میں مبتلا ہوگئے ہیں۔ جس کے پیش نظر کھنموہ میں فوج نے طبی کیمپ کا انعقاد عمل میں لایا۔

فوج کی جانب سے کیمپ میں چوپاؤں کے لیے بھی علیحدہ کیمپ کا انعقاد کیا گیا جہاں مختلف ویٹرنری ادویات بھی تقسیم کی گئیں۔

مقامی باشندوں نے فوج کے اقدام کی سراہنا کرتے ہوئے کہا کہ کیمپ میں ماہر ڈاکٹروں کی جانب سے معائنہ کرنے کے علاوہ ادویات مفت تقسیم کیے جانے سے لوگوں کو کافی راحت پہنچی ہے۔