ضلع پلوامہ میں پوشن ماہ مہم کے تحت ادویات تقسیم

انڈین سسٹم آف میڈیسنز پلوامہ نے ’’پوشن ماہ‘‘ مہم کے تحت ضلع میں بچوں، حاملہ خواتین اور شیر خواروں کو دودھ پلانے والی ماؤں میں ادویات اور غذائیات تقسیم کیں۔

ضلع پلوامہ میں انڈین سسٹم آف میڈیسن کی جانب سے بچوں، حاملہ خواتین اور شیر خوار بچوں کو دودھ پلانے والی مائوں میں ’’پوشن ماہ‘‘ مہم کے تحت ادویات اور غذائیات مفت تقسیم کیں۔

واضح رہے کہ انڈین سسٹم آف میڈیسنز کی جانب سے 01 ستمبر سے 30 ستمبر تک پوشن ماہ مہم کے تحت ملک بھر میں ادویات اور غذائیات مفت تقسیم کی جا رہی ہیں۔ اس اسکیم کا مقصد چھ سال تک کی عمر کے بچوں، حاملہ خواتین اور بچوں کو دودھ پلانے والی ماؤں میں غذائی قلت کا ازالہ کرنا ہے۔

ڈسٹرکٹ ہسپتال پلوامہ کے آیوش یونٹ میں پیر کو ادویات و غذائیات تقسیم کی گئیں۔

اس موقعے پر آیوش یونٹ کے میڈیکل افسران کا کہنا تھا کہ ملک بھر کی طرح ضلع کے کونے کونے میں میڈیکل کیمپس کے ذریعے ’’پوشن ماہ‘‘ مہم کے تحت ادویات و غذائیات مفت تقسیم کی جائیں گی۔