جموں و کشمیر کے ضلع پلوامہ کے اونتی پورہ میں لاک ڈاؤن کی خلاف ورزی کرنے پر پولیس نے آج 34 گاڑیوں کو ضبط کیا ہے۔
اونتی پورہ: لاک ڈاؤن کی خلاف ورزی کرنے پر 34 گاڑیاں ضبط
جنوبی کشمیر کے ضلع پلوامہ کے اونتی پورہ میں لاک ڈاؤن کی پاسداری نہ کرنے کی وجہ سے پولیس سخت کارروائی کر رہی ہے۔ یہاں پر پولیس نے لاک ڈاؤن کی خلاف ورزی کرنے پر 34 گاڑیوں کو ضبط کیا ہے۔
Published : Jul 26, 2020, 10:25 PM IST
Published : Jul 26, 2020, 10:25 PM IST
|Updated : Jul 26, 2020, 11:17 PM IST
اس ضمن میں ای ٹی وی بھارت کو معلوم ہوا ہے کہ جنوبی کشمیر کے اونتی پورہ پولیس ڈسٹرکٹ کے تحت آنے والے علاقوں میں لاک ڈاؤن کو موثر بنانے کے لیے جہاں سیول اور پولیس انتظامیہ نے عوام سے بار بار لاک ڈاؤن کی پاسداری کرنے کی اپیل کی ہے۔ تاہم کئی عناصر ان اپیلوں کو مسترد کر رہے ہیں۔ اس لیے اب پولیس نے خلاف ورزی کرنے والوں کے خلاف اپنا شکنجہ کسنا شروع کر دیا ہے اور آج اسی مہم کے تحت 34 گاڑیوں کو ضبط کر کے چالان کیا گیا ہے۔ یہ گاڑیاں لاک ڈاؤن کے باوجود چل رہی تھیں۔
اس دوران پولیس نے یہ دعوی بھی کیا ہے کہ 35 ایسے افراد سے 17500 روپے جرمانہ بھی وصول کیا گیا ہے جو بغیر ماسک کے گھوم رہے تھے۔ پولیس نے ترال، اونتی پورہ، پامپور اور کھریو کے عوام سے لاک ڈاؤن کی پاسداری کرنے کی اپیل دہرائی ہے۔