BJP Foundation Day In Awantipora: وزیراعظم کا دورۂ جموں وکشمیر اہم سنگ میل ثابت ہوگا، الطاف ٹھاکر

جنوبی کشمیر کے ضلع پلوامہ کے اونتی پورہ کے ٹاؤن ہال میں بی جے پی کارکنان نے پارٹی کا 42واں یوم تاسیس منایا۔ اس دوران کارکنان نے میونسپل کمیٹی کے احاطے میں بی جے پی کا پرچم لہرایا۔ BJP Foundation Day In Awantipora

اونتی پورہ:جموں و کشمیر کے ضلع پلوامہ کے اونتی پورہ کے ٹاؤن ہال میں بھارتیہ جنتا پارٹی کے کارکنان نے پارٹی کا 42واں یوم تاسیس منایا۔ اس دوران کارکنان نے میونسپل کمیٹی اونتی پورہ کے احاطے میں پارٹی کا پرچم لہرایا۔ BJP Foundation Day In Awantipora۔ تقریب میں بی جے پی جموں و کشمیر کے ترجمان الطاف ٹھاکر، نائب صدر بی جے پی پلوامہ محمد شفیع وانی، اسمبلی حلقہ صدر ترال سردار پنچھی سنگھ اور عبدالرشید گوجر بھی شریک تھے۔ یوم تاسیس کے موقع پر کارکنان نے بی جے پی پارٹی کو مضبوط بنانے کا عہد کیا۔

بی جے پی کے ترجمان الطاف ٹھاکر نے میڈیا سے بات کرتے ہوئے کہا کہ وزیر اعظم نریندر مودی کا جموں و کشمیر کا متوقع دورہ ایک گفٹ ثابت ہوگا۔ انہوں نے مزید کہا کہ وزیر اعظم کے دل میں جموں وکشمیر کے لیے سخت محبت ہے، انہوں نے گزشتہ دورے کے دوران پنچایتی انتخابات کا اعلان کیا تھا اور اب کی بار امید ہے کہ وزیر اعظم کچھ اہم اعلانات کریں گے۔