پلوامہ: سڑک پر میکڈمائزیشن کو لیکر خاموش احتجاج

لرگام کے لوگوں نے آج سڑک پر میگڈیمائزیشن نہ بچھائے جانے کے خلاف خاموش احتجاج کیا اور انتظامیہ تک اپنی بات پہنچانے کی کوشش کی۔

ضلع پلوامہ کے ترال کی اہم شاہراہ ترال ستورہ سڑک پر اگرچہ امسال آر اینڈ بی محکمے کی طرف سے میکڈمائزیشن کا عمل شروع کیا گیا، جس کی وجہ سے ایک وسیع آبادی نے راحت کی سانس لی، تاہم لرگام سے واگڈ تک سڑک کے ایک حصے پر میکڈمائزیشن نہ کرنے سے ان دیہات کی آبادی سراپا احتجاج بنی ہوئی ہے۔

لرگام کے لوگوں نے آج اس معاملے کے سلسلے میں خاموش احتجاج کیا اور انتظامیہ تک اپنی بات پہنچانے کی کوشش کی۔

لرگام کے لوگوں نے بتایا کہ آج تک ان کو جھوٹے وعدے کرکے بہلایا گیا کہ اس سڑک پر کول تار بچھایا جائے گا، لیکن اب متعلقہ حکام نے مشینری کو واپس بلا لیا ہے۔ یہاں تار کول بچھانے کے سیزن کا بھی ختم ہو رہا ہے۔ احتجاجی افراد نے مانگ کی ہے کہ اس سڑک پر جلد از جلد تار کول بچھایا جائے ورنہ مقامی بستی سڑکوں پر نکل کر احتجاج کرے گی۔