ترال: بیک ٹو ولیج تھری کو کامیاب بنانے کی اپیل

بی جے پی ترجمان الطاف ٹھاکر نے ترال کے کئی علاقوں کا دورہ کیا اور بیک ٹو ولیج تھری کے مختلف پروگرام میں شامل ہوئے۔

بیک ٹو ولیج پروگرام کو ایک اچھی پہل قرار دیتے ہوئے عوام سے اس میں شرکت کی اپیل کرتے ہوئے بی جے پی کے ترجمان الطاف ٹھاکر نے آج ترال کے کئی علاقوں کا دورہ کیا اور بیک ٹو ولیج تھری کے مختلف پروگرام میں شرکی کی۔ انہوں نے پنچایت حلقہ ڈاڈسرہ میں مختلف پروجیکٹ کا افتتاح کیا۔ اس دوران بی ڈی او ڈاڈسرہ مرتضی ثاقب اور بی ڈی سی چیئرپرسن سکینہ بھی موجود تھیں۔

میڈیا سے گفتگو کرتے ہوئے الطاف ٹھاکر نے کہا کہ ایل جی منوج سنہا نے بیک ٹو ولیج تھری کے حوالے سے جو پہل کی ہے اس کے مثبت نتائج سامنے آئیں گے کیونکہ بھارت میں زیادہ ترآبادی دیہی علاقوں میں ہی آباد ہے۔ گاؤں کی ترقی ہی ملک کی ترقی ہے۔ الطاف ٹھاکر نے کہا کہ مرکزی سرکار کی روز اول سے ہی یہ کوشش رہی ہے کہ سب کا ساتھ سب کا وکاس ہو اور ہماری سرکار اس پر وعدہ بند ہے۔